ახალი ამბები
აჭარაში არჩევნები 5-6 კვირაში ჩატარდება
პრემიერ-მინისტრის ზურაბ ჟვანიას ინფორმაციით, აჭარაში უმოკლეს დროში დაინიშნება ადგილობრივი მმართველობის ორგანოების არჩევნები. ამ მიზნით შეიქმნება სამთავრობო კომისია, რომელსაც თავად საქართველოს პრეზიდენტი მიხეილ სააკაშვილი უხელმძღვანელებს.
„აჭარაში უზენაესი საბჭოს არჩევნები დაახლოებით ხუთ-ექვს კვირაში დაინიშნება. ამ საკითხთან დაკავშირებით მიმდინარეობს მსჯელობა“ – განაცხადა ზურაბ ჟვანიამ 6 მაისს.
მისი თქმით, აჭარაში ახალი ხელისუფლების არჩევა ძირითადად ადგილობრივი მოსახლეობის სურვილით მოხდება. პრეზიდენტ მიხეილ სააკაშვილის განცხადებით, არჩევნების დანიშვნამდე აჭარაში საპრეზიდენტო მმართველობა დამყარდება.
