ახალი ამბები
აბაშიძე გადადგა
„აბაშიძე გაიქცა, აჭარა თავისუფალია,“ – განაცხადა პრეზიდენტმა 6 მაისს, მას შემდეგ რაც აჭარის ავტონომიის მეთაურმა პოსტი დატოვა და მოსკოვში გაემგზავრა.
„ეს იქნება საქართველოს აღმშენებლობისა და ტერიტორიული მთლიანობის დაწყება,“ – დასძინა სააკაშვილმა.
აბაშიძე, ოჯახის წევრებთან ერთად მოსკოვში რუსეთის ეროვნული უშიშროების საბჭოს მდივანთან იგორ ივანოვთან ერთად გაემგზავრა.
ივანოვი ბათუმში 5 მაისს გვიან ღამით ჩაფრინდა და მოლაპარაკებები გამართა ასლან აბაშიძესთან.