უშიშროების მინისტრი სავარაუდოდ აჭარაში გაემგზავრა

საქართველოს უშიშროების მინისტრი ზურაბ ადეიშვილი, არაოფიციალური ინფორმაციით, 4 მაისს აჭარაში გაემგზავრა.

ეროვნული უშიშროების საბჭოს მდივანმა ვანო მერაბიშვილმა უარი განაცხადა ამ ინფორმაციის კომენტირებაზე.

„ამჟამად სად იმყოფება ზურაბ ადეიშვილი, ამის თქმა არ შეგვიძლია“, – განუცხადა მან „რუსთავი 2“-ს 5 მაისს.

თუმცა, მან დაადასტურა ის ფაქტი, რომ აჭარის მაღალი რანგის წარმომადგენლებთან მიმდინარეობს მოლაპარაკებები იმის თაობაზე, რომ ისინი განუდგნენ ასლან აბაშიძეს.

„ამ მოლაპარაკებებს კოორდინაციას ზურაბ ადეიშვილი უწევს“, – განაცხადა ვანო მერაბიშვილმა.