ახალი ამბები
ეროვნული უშიშროების საბჭო აჭარის საკითხს განიხილავს
საქართველოს ეროვნული უშიშროების საბჭო დღეს აჭარაში მიმდინარე მოვლენებს განიხილავს.
„ჩვენ განვიხილავთ აჭარაში ბოლო დროს განვითარებულ მოვლენებს, მათ შორის იმ შეტაკებას, რომელსაც დღეს აჭარის ხელისუფლებასა და მშვიდობიან მომიტინგეებს შორის მოხდა“, – განაცხადა ეროვნული უშიშროების საბჭოს მდივანმა ვანო მერაბიშვილმა სხდომის დაწყებამდე.
ბათუმში 4 მაისს გამართული მშვიდობიანი საპროტესტო აქცია აჭარის ხელისუფლებამ სასტიკად დაარბია. არსებული ინფორმაციით, ათობით ადამიანი დაშავდა.
თავდაპირველად აჭარის ხელისუფლება საპროტესტო აქციის დაშლას წყლის ჭავლის გამოყენებით შეეცადა, თუმცა შემდგომში ხელკეტებიც გამოიყენა.
