ახალი ამბები
ლეიბორისტულმა პარტიამ საპროტესტო აქცია გამართა
ოპოზიციური ლეიბორისტული პარტიის სამასამდე მხარდამჭერმა 29 აპრილს პარლამენტის შენობის წინ საპროტესტო აქცია გამართა. ისინი პრეზიდენტ სააკაშვილის და მისი მთავრობის გადაყენებას მოითხოვდნენ.
„ეს გამაფრთხილებელი აქცია იყო და დემონსტრაციები მალე მუდმივ საპროტესტო აქციებში გადაიზრდება“, – განაცხადა პარტიის წევრმა ჯონდი ბაღათურიამ საპროტესტო აქციის შემდეგ.
ცოტა ხნის წინ უზენაესმა სასამართლომ არ დააკმაყოფილა ლეიბორისტული პარტიის სარჩელი 28 მარტის საპარლამენტო არჩევნების შედეგების გაუქმების თაობაზე.