ახალი ამბები
აფხაზეთში ქართველი მძევლები გაათავისუფლეს
არსებული ინფორმაციით, აფხაზეთში მძევლად აყვანილი 25 ქართველი ერთდღიანი დაკავების შემდეგ გაათავისუფლეს.
ქართული მხარის განცხადებით, აფხაზურმა შეიარაღებულმა დაჯგუფებამ 7 აპრილს გალის რაიონის სოფელ ზემო ბარღებში შეიჭრნენ და ეთნიკური ქართველები გაიტაცეს.
მძევლები ქართული მხარის მიერ ჭუბურხინჯის ოთხმხრივ შეხვედრაზე (ქართული და აფხაზური მხარეები, დსთ-ს სამშვიდობოები და გაეროს დამკვირვებლები) გაკეთებული კატეგორიული მოთხოვნის შედეგად გაათავისუფლეს.
გალის რაიონში არსებული უსაფრთხოების პირობები კვლავ სავალალოა. ზემო ბარღების დარბევა ერთ-ერთი ბოლო შემთხვევა იყო თავდასხმებისა იმ სერიისა, რომელიც გალში ეთნიკურ ქართველებზე ხორციელდება.
