სააკაშვილი ბრატისლავაში გაემგზავრა

დღეს პრეზიდენტი სააკაშვილი ბათუმში ასლან აბაშიძესთან მოლაპარაკებების შემდეგ სლოვაკეთის დედაქალაქ ბრატისლავაში გაემგზავრა.

საქართველოს პრეზიდენტი მონაწილეობას მიიღებს კონფერენციაში „ფართო ევრობა: ახალი დღის წესრიგი,“ რომელიც ძირითადად ევროპაში უსაფრთხოების საკითხებს მიეძღვნება.

ბრატისლავაში დაგეგმილია საქართველოს პრეზიდენტსა და ნატოს გენერალურ მდივანს იააპ დე ჰუფ სხეფერს შორის შეხვედრა.