ახალი ამბები
სააკაშვილსა და აბაშიძეს შორის მოლაპარაკებები დაიწყო
პრეზიდენტ მიხეილ სააკაშვილსა და აჭარის ლიდერს ასლან აბაშიძეს შორის მოლაპარაკებები ბათუმში უკვე ერთ საათზეა მეტია გრძელდება.
პრეზიდენტს ჩოლოქის საგუშაგოზე ასლან აბაშიძის მხარდამჭერები „ბაბუ-ბაბუს“ ძახილით დახვდნენ.
თუმცა, ბათუმისკენ მიმავალ პრეზიდენტს გზაში ასობით თავისი მხარდამჭერი დახვდა, რომლებიც მას წითელი ვარდებით და „მიშა-მიშას“ ძახილით შეეგებნენ.
ვიზიტის დროს უკვე მოხდა ერთი ინციდენტი, როდესაც ჟურნალისტების ერთი ჯგუფი, რომელიც პრეზიდენტს ახლდა, ბათუმში არ შეუშვეს. თუმცა, პრეზიდენტის ჩარევის შედეგად ჟურნალისტებმა ბათუმში შესვლა მოახერხეს.