ოპოზიციას ბიუჯეტში ხარჯების გაზრდა სურს

(თბილისი, 9 იანვარი, 2003, სივილ ჯორჯია) – საპარლამენტო ოპოზიციის ლიდერები აცხადებენ, რომ მათი დამოკიდებულება 2003 წლის ბიუჯეტის პროექტისადმი არ შეიცვლება, თუ მასში ხარჯვითი ნაწილი არ გაიზრდება.

დეკემბრის ბოლოს პარლამენტმა ბიუჯეტის პროექტი არ დაამტკიცა და ხარჯების გაზრდა მოითხოვა.

5 იანვარს პრეზიდენტმა შევარდნაძემ განაცხადა, რომ “პროექტი არსებულ ვითარებაში ოპტიმალურია”.

სავარაუდოდ, მთავრობამ ბიუჯეტის ახალი პროექტი პარლამენტს 10 იანვარს უნდა წარუდგინოს და მისი განხილვა საგანგებო სესიაზე მოხდება.

This post is also available in: English (ინგლისური) Русский (რუსული)