სახელმწიფო უსაფრთხოების სამსახურში BBC-ს რეპორტაჟში მონაწილე პირები დაიბარეს

საქართველოს სახელმწიფო უსაფრთხოების სამსახურში ის პირები დაიბარეს, რომლებიც BBC-ს საგამოძიებო დოკუმენტურ ფილმში ფიგურირებენ ან რომელთა ნაშრომებიც იქნა გამოყენებული ფილმისთვის, რომლის ვარაუდითაც საქართველოს ხელისუფლებამ შესაძლოა 2024 წელს საპროტესტო აქციების დასაშლელად სამხედრო დანიშნულების მქონე ქიმიური ნაერთი, კამიტი, გამოიყენა.

დაბარებულთა შორის არიან პედიატრი ძმები კონსტანტინე და დავით ჩახუნაშვილები; მათი მამა, გიორგი ჩახუნაშვილი; „საერთაშორისო გამჭვირვალობა – საქართველოს“ ხელმძღვანელი ეკა გიგაური; საქართველოს ახალგაზრდა იურისტთა ასოციაციის თანამშრომლები; და მოქალაქე ზვიად მაისაშვილი, რომელიც გასულ წელს სპეცრაზმმა სასტიკად სცემა.

„ნაცვლად იმისა, რომ სახელმწიფომ გასცეს დამაჯერებელი პასუხი, თუ რა ქიმიური საშუალებების გამოყენებით ხდებოდა 2024 წლის ნოემბერ-დეკემბრის მშვიდობიანი აქციების დარბევა, სუს-ი გამოკითხვაზე იბარებს იმ ადამიანებს და ორგანიზაციებს, რომლებიც ადამიანის უფლებებს იცავენ“, – განაცხადეს „საერთაშორისო გამჭვირვალობა – საქართველომ“ და „საქართველოს ახალგაზრდა იურისტთა ასოციაციამ“ ცალცალკე გამოქვეყნებულ განცხადებებში. ორივე ორგანიზაციამ აღნიშნა, რომ ეკა გიგაურმა და „ახალგაზრდა იურისტთა ასოციაციის“ წარმომადგენლებმა მაგისტრი მოსამართლის წინაშე მოითხოვეს გამოკითხვა.

ორგანიზაციების თქმით, გამოკითხვაზე დაბარება ძლიერ ეჭვს იწვევს იმის თაობაზე, რომ ხელისუფლების მიზანია არა სიმართლის დადგენა, არამედ ზეწოლის მოხდება იმ უფლებადამცველ ჯგუფებსა და პირებზე, რომლებიც სისტემურ დარღვევებზე საუბრობენ.

This post is also available in: English