ახალი ამბები
ნატომ საქართველოს საკითხი რუსეთთან შეხვედრაზე დააყენა
მიუხედავად იმისა, რომ ნატოს წევრი სახელმწიფოების რამდენიმე თავდაცვის მინისტრმა დააყენა საქართველოს საკითხი, რუსეთის თავდაცვის მინისტრმა ანატოლი სერდიუკოვმა არაფერი თქვა ამ საკითხთან დაკავშირებით, განაცხადა აშშ-ს თავდაცვის მდივანმა რობერტ გეითსმა 14 ივნისს.
მან ეს განცხადება ჟურნალისტებთან საუბრისას გააკეთა ბრიუსელში, თავდაცვის მინისტრების დონეზე გამართული ნატო-რუსეთის საბჭოს შეხვედრის შემდეგ.
”ნატოს რამდენიმე მინისტრმა აფხაზეთში განვითარებული მოვლენების საკითხი დააყენა; მათ შეშფოთება გამოხატეს რუსეთის ქმედების გამო,” – განაცხადა გეითსმა, ”მინისტრ სერდიუკოვს თავის კომენტარებში საქართველო არ უხსენებია და არც მაშინ დაუბრუნდა საკითხს, როდესაც მოკავშირე მინისტრებმა დაიწყეს ამაზე საუბარი”.