”ბონი ემ” სამხრეთ ოსეთის კონფლიქტის ზონაში კონცერტს მართავს

საესტრადო ჯგუფი ”ბონი ემ” სამხრეთ ოსეთის კონფლიქტის ზონის სოფელ თამარაშენში 13 ოქტომბერს კონცერტს გამართავს.

სოფელი თამარაშენი ცხინვალიდან დაახლოებით ერთი კილომეტრის მოშორებით მდებარეობს.  

საქართველოს ხელისუფლების მიერ 70-80-იან წლებში პოპულარული ჯგუფის ”ბონი ემ”-ის კონცერტის დაფინანსება მიზნად ისახავს თვითგამოცხადებული რეგიონის მოსახლეობის გულების მოგებას.

”ბონი ემ”-ი ოცი წლის წინ გაიყო და ახლა იგივე სახელით ორი ჯგუფი მოღვაწეობს. ამჯერად, თამარაშენში მარსია ბერეტის ჯგუფი მართავს კონცერტს.  

This post is also available in: English