ახალი ამბები
სტანისლავ ლაკობა აფხაზეთის უშიშროების საბჭოს მდივნად დაინიშნა
აფხაზეთის დე ფაქტო პრეზიდენტმა სერგეი ბაღაფშმა სტანისლავ ლაკობა თვითგამოცხადებული რესპუბლიკის უშიშროების საბჭოს მდივნის თანამდებობაზე დანიშნა, იტყობინება “რია ნოვოსტი“ 17 თებერვალს.
სტანისლავ ლაკობა ბაღაფშის ახლო მოკავშირეა, იგი ოქტომბრის საპრეზიდენტო არჩევნებში ვიცე-პრეზიდენტად იყრიდა კენჭს. თუმცა, მას შემდეგ, რაც ბაღაფშმა და ამჟამინდელმა ვიცე-პრეზიდენტმა რაულ ხაჯიმბამ ძალაუფლების გაყოფის თაობაზე შეთანხმებას მოაწერეს ხელი, ლაკობა იძულებული გახდა უარი ეთქვა ვიცე-პრეზიდენტობაზე.
სტანისლავ ლაკობა 1992-93 წლებში აფხაზეთის პარლამენტის წევრი იყო, ხოლო 1994-96 წლებში პარლამენტის ვიცე-სპიკერის პოსტი ეკავა.