ოპოზიციონერ პოლიტიკოს ზურაბ ჯაფარიძეს შვიდი თვით თავისუფლების აღკვეთა შეეფარდა

პარტია „გირჩი – მეტი თავისუფლების“ ლიდერს, ზურაბ ჯაფარიძეს შვიდი თვით თავისუფლების აღკვეთა შეეფარდა მას შემდეგ, რაც მან „ქართული ოცნების“ პარლამენტის საგამოძიებო კომისიაში გამოუცხადებლობის გამო დაკისრებული გირაოს გადახდაზე უარი განაცხადა.

მას ასევე ორი წლით აეკრძალა საჯარო სამსახურში თანამდებობის დაკავება.

მსგავს საქმეებზე საბოლოო განაჩენს კიდევ ექვსი პირი ელოდება, მათ შორის ხუთი ოპოზიციონერი პოლიტიკოსი. მათ შორის არიან პარტია „ახალის“ ლიდერები ნიკა მელია და ნიკა გვარამია, რომლებიც წინასწარ პატიმრობაში იმყოფებიან გირაოს გადაუხდელობის გამო. „ლელოს“ ლიდერები მამუკა ხაზარაძე და ბადრი ჯაფარიძე, ასევე „სტრატეგია აღმაშენებლის“ ლიდერი გიორგი ვაშაძე ამჟამად გირაოთი არიან გათავისუფლებულნი. გირაოს გადახდაზე უარის თქმის გამო, ყოფილი თავდაცვის მინისტრი ირაკლი ოქრუაშვილიც პატიმრობაში რჩება.

This post is also available in: English