საქართველოს პარლამენტმა 27 ივნისს საზოგადოებრივი მაუწყებლის სამეურვეო საბჭოს სამი წევრი, იზაბელა ოსიპოვა, სოსო სტურუა და გიორგი იაკობაშვილი აირჩია.
იზაბელა ოსიპოვას კანდიდატურას, რომელიც სახალხო დამცველმა წარადგინა, 80-მა დეპუტატმა დაუჭირა მხარი. 2018 წლიდან დღემდე იგი საზოგადოებრივი მაუწყებლის სამეურვეო საბჭოს წევრი იყო. 2015-დან გაეროს ასოციაცია (UNAG)/ აშშ-ს საერთაშორისო განვითარების სააგენტოს (USAID) ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამა, სახალხო დამცველთან არსებული ტოლერანტობის ცენტრის ექსპერტია.
აჭარის ავტონომიური რესპუბლიკის უმაღლესი საბჭოს მიერ წარდგენილი სოსო სტურუას კანდიდატურას 80-მა დეპუტატმა დაუჭირა მხარი. 2019 წლიდან იგი აჭარის საზოგადოებრივი მაუწყებლის სამეურვეო საბჭოს წევრი იყო.
საპარლამენტო ფრაქცია „ქართული ოცნების“ მიერ წარდგენილი გიორგი იაკობაშვილის კანდიდატურას 79-მა დეპუტატმა დაუჭირა მხარი. იგი ონლაინ მედია საშუალების For.ge-ს მთავარი რედაქტორია.
მაუწყებლობის შესახებ საქართველოს კანონის თანახმად, საზოგადოებრივი მაუწყებლის სამეურვეო საბჭოს წევრები მაქსიმუმ 6 წლით აირჩევიან.
ასევე წაიკითხეთ:
- 22/12/2023 – მედია კოალიცია დამოუკიდებლობის დაკარგვის გამო საზოგადოებრივ მაუწყებელს აკრიტიკებს
- 18/12/2023 – საზოგადოებრივმა მაუწყებელმა დაფინანსების წესებში ცვლილებების მოტივით სატელევიზიო გადაცემები დახურა
- 12/12/2023 – მამუკა მდინარაძე: საზოგადოებრივი მაუწყებლის დაფინანსებაზე კონსენსუსი მიღწეულია
- 20/11/2023 – პარლამენტმა საზოგადოებრივი მაუწყებლის დაფინანსების წესში ცვლილებების პროექტი მიიღო
This post is also available in: English (ინგლისური) Русский (რუსული)