11 მაისის ბრიფინგზე რუსეთის მიერ საქართველოსთან ფრენების განახლებასა და ვიზების გაუქმებაზე, ასევე საქართველოს მიერ რუსეთის წინააღმდეგ სანქციების შესაძლო არიდებაზე ჟურნალისტის მიერ დასმული კითხვის საპასუხოდ, აშშ-ის სახელმწიფო დეპარტამენტის პრესსპიკერის მოადგილემ, ვედანტ პატელმა განაცხადა, რომ „ბევრი დასავლური ქვეყანა, მათ შორის, ამერიკის შეერთებული შტატები, რუსულ თვითმფრინავებს თავიანთ საჰაერო სივრცეში შესვლას უკრძალავს. თუ რუსეთსა და საქართველოს შორის პირდაპირი ფრენები აღდგება, ჩვენ რა თქმა უნდა, შეშფოთებული ვიქნებით, რომ საქართველოს აეროპორტებში არსებული კომპანიები შესაძლოა დასანქცირების რისკის წინაშე აღმოჩნდნენ, თუ ისინი მოემსახურებიან იმ თვითმფრინავებს, რომელთა მიმართაც იმპორტისა და ექსპორტის კონტროლი ხორციელდება“.
მისივე თქმით, ახლა, როდესაც მთელი დასავლური საზოგადოება რუსულ რეჟიმს გაემიჯნა, არ არის დრო არცერთი ქვეყნისთვის, რომ გაზარდოს საქმიანობა რუსეთთან. მან ასევე აღნიშნა, რომ „ქართველ ხალხს, ალბათ, ურჩევნია, რომ პრეზიდენტმა პუტინმა საკუთარი შეიარაღებული ძალები საქართველოს 20%-ით ოკუპირებული ტერიტორიებიდან გაიყვანოს, ვიდრე პირდაპირი ფრენების აღდგენა თუ სავიზო რეჟიმის ცვლილება იხილოს“.
NEW: U.S. says, if direct flights between Russia and Georgia resume, companies at Georgian airports “could be at risk for sanctions.”
— Alex Raufoglu (@ralakbar) May 11, 2023
Now it’s not the time for any country to increase its engagement with Russia, @StateDeputySpox tells me pic.twitter.com/l3mB9LZ0Fq
აშშ-ის სახელმწიფო დეპარტამენტმა მარტში განაცხადა, რომ რუსეთსა და საქართველოს შორის ავიამიმოსვლის შესაძლო აღდგენას არასახარბიელო შედეგი მოჰყვებოდა. იგივე გუშინ აშშ-ის ელჩმა საქართველოში, კელი დეგნანმაც თქვა.
-
-
-
-
This post is also available in: English (ინგლისური) Русский (რუსული)