პარლამენტმა ომბუდსმენობის მსურველთა სია გამოაქვეყნა

საქართველოს პარლამენტმა 30 სექტემბერს იმ პირთა სია გამოაქვეყნა, რომელთაც სახალხო დამცველობის სურვილი გამოთქვეს. დეპუტატთა მხარდაჭერის მოპოვებას სულ 19 პირი ეცდება. ესენი არიან:

• ანა აბაშიძე – იურისტი; არასამთავრობო ორგანიზაცია „პარტნიორობა ადამიანის უფლებებისთვის“ (PHR) ხელმძღვანელი;
• მარიკა არევაძე – იურისტი; საადვოკატო ბიურო „არევაძე, გონაშვილი და პარტნიორების“ ადვოკატი სამოქალაქო სპეციალიზაციით; არასამთავრობო ორგანიზაცია „უკრაინული თანამეგობრობის ალიანსის“ სტრატეგიული განვითარებისა და საზოგადოებასთან ურთიერთობის დირექტორი; „სამართლებრივი კვლევის სწავლებისა და დახმარების ცენტრის“ თავმჯდომარე; სასამართლო მედიატორი და აკრედიტებული ტრენერი; კავკასიის საერთაშორისო უნივერისტეტის მიწვეული ლექტორი;
• გიორგი ბურჯანაძე – იურისტი; საქართველოს სახალხო დამცველის მოადგილე;
• ლელა გაფრინდაშვილი – ფილოსოფოსი; არასამთავრობო ორგანიზაცია „ქალების ინიციატივა თანასწორობისთვის“ (WIE) თავმჯდომარე; თბილისის სახელმწიფო უნივერსიტეტის პოლიტიკურ და მეცნიერებათა ფაკულტეტის ასოცირებული პროფესორი;
• სოფიო დემეტრაშვილი – სამართლისა და პოლიტიკის მეცნიერებათა დოქტორი; საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის ასოცირებული პროფესორი; მიწვეული ლექტორი სულხან საბა ორბელიანის უნივერსიტეტში; დავით ბატონიშვილის სამართლის ინსტიტუტის აღმასრულებელი დირექტორის მოადგილე;
• თინათინ ერქვანია – იურისტი; გერმანული სამართლებრივი კომპანია – Hengeler Mueller (ბერლინის ბიურო), იურისტი (მეცნიერთანამშრომელი – Research Assistant); ა(ა)იპ „კონსტიტუციური მმართველობის ცენტრი – საქართველოს“ დამფუძნებელი და ხელმძღვანელი; შპს, „თინათინ ერქვანია და პარტნიორები“; GIPA-ის სამართლისა და პოლიტიკის სკოლის ბაზაზე არსებული კვლევითი ცენტრის – „სამართლისა და საზოგადოების კვლევითი ცენტრი გლობალურ კონტექსტში“ ხელმძღვანელი. სხვადასხვა უნივერსიტეტის ასოცირებული პროფესორი და მიწვეული ლექტორი;
• ევგენია თავაძე – მედიცინის დოქტორი; დროებით უმუშევარი; წარსულში მუშაობდა ფინანსურ მენეჯერად. ასევე, შრომის, ჯანმრთელობისა და სოციალური დაცვის სამინისტროში მუშაობდა ინდივიდუალურ ექსპერტად;
• ალექსანდრე კობაიძე – იურისტი; არასამთავრობო ორგანიზაცია „ახალგაზრდა უფლებადამცველთა ასოციაციის“ თავმჯდომარე; ალექსანდრე კობაიძის საადვოკატო ბიუროს დამფუძნებელი და დირექტორი;
• ლევან კოკორაშვილი – იურისტი, ყვარლის რაიონის „ახალგაზრდა იურისტთა კავშირის“ გამგეობის თავმჯდომარე;
• ნუგზარ კოხრეიძე – სლავური ფილოლოგიის მაგისტრი; ა(ა)იპ „სამეცნიერო-ინტელექტუალური კლუბის, „თაობათა დიალოგის“ თავმჯდომარე;
• გიორგი მარიამიძე – იურისტი; ა(ა)იპ „მოქალაქეთა დაცვის ინსტიტუტი“ დამფუძნებელი, დირექტორი;
• სერგო მახარაძე -იურისტი; საქართველოს პროფესიული კავშირების გაერთიანების იურისტი;
• მაკა მინდიაშვილი – სამართლისა და საერთაშორისო ურთიერთობების სპეციალისტი; ა(ა)იპ „ხალხის ხმის“ დამფუძნებელი;
• ჯემალ ნათელაშვილი – იურისტი; საქართველოს ადვოკატთა ასოციაციის წევრი;
• ნიკოლოზ ნიკოლაძე – საერთაშორისო ურთიერთობებისა და დიპლომატიის ისტორიის მაგისტრი; საქართველოს დიპლომატიური სამსახურის რეზერვი;
• ქეთევან ჩაჩავა – პოლიტიკურ მეცნიერებათა დოქტორი; ორგანიზაცია „მსოფლიო მოძრაობა დემოკრატიისათვის“ აღმასრულებელი კომიტეტის წევრი; სამოქალაქო მოძრაობა „შენმოქმედის“ დამფუძნებელი და გამგეობის წევრი; ორგანიზაცია „სექტორი 3 – ჰაბი განვითარებისთვის“ თავმჯდომარე და გამგეობის წევრი; ორგანიზაცია „განვითარებისა და დემოკრატიის ცენტრის“ აღმასრულებელი დირექტორი;
• გიორგი ცობეხია – იურისტი; საადვოკატო ბიუროს „გიორგი ცობეხია და პარტნიორების“ მმართველი პარტნიორი, დირექტორი; „თბილისის იახტკლუბის“ იურისტი; შპს „ყამარი.მ-ს“ იურისტი; საქართველოს ადვოკატთა ასოციაციის წევრი;
• იაგო ხვიჩია – იურისტი; საქართველოს პარლამენტის პარტია გირჩის დეპუტატი; საპროკურორო საბჭოს წევრი.
• ნაზი ჯანეზაშვილი – იურისტი; არასამთავრობო ორგანიზაცია „საქართველოს სასამართლოს გუშაგის“ დირექტორი; იუსტიციის უმაღლესი საბჭოს ყოფილი არამოსამართლე წევრი.

დღესვე პარლამენტის თავმჯდომარემ, შალვა პაპუაშვილმა განაცხადა, რომ ახალი ომბუდსმენის შერჩევის პროცესი „ღიად, გამჭვირვალედ [და] ობიექტურად“ მიმდინარეობს და პარლამენტი შემფასებელთა ჯგუფის შეფასებებს დაელოდება, რომელიც მათ 13 ოქტომბრამდე უნდა წარმოადგინონ.

„ახლა ჯერი ოპოზიციაზეა, რომ შესაძლო კანდიდატებიდან მათ შეარჩიონ მინიმუმ შვიდი კანდიდატი, რომელიც შემდეგ იქნება განხილვის საგანი“, -თქვა შალვა პაპუაშვილმა და კიდევ ერთხელ გაიმეორა, რომ მმართველი პარტია სახალხო დამცველობის კანდიდატების დასახელებამდე პროცესში არ ჩაერევა.

• 31/08/2022 – მამუკა მდინარაძის თქმით, მმართველი პარტია ომბუდსმენის კანდიდატურას არ წარადგენს

სახალხო დამცველობის მსურველთა კონკურსი პარლამენტმა 15 სექტემბერს გამოაცხადა და კანდიდატების რეგისტრაცია 29 სექტემბერს დასრულდა. ომბუდსმენობის კანდიდატებს პარლამენტის თავმჯდომარის მიერ შექმნილი შემფასებელთა 9-წევრიანი ჯგუფი შეაფასებს და მათ დეპუტატებს წარუდგენენ.

პარლამენტი კანდიდატების განხილვას მას შემდეგ დაიწყებს, რაც დეპუტატები მათგან მინიმუმ შვიდს შეარჩევენ.

• 09/09/2022 – სახალხო დამცველის აპარატი ომბუდსმენის არჩევის წესთან დაკავშირებული კანონპროექტის გამო შეშფოთებულია
• 09/09/2022 – პარლამენტმა სახალხო დამცველის არჩევის წესთან დაკავშირებული ცვლილებები დაამტკიცა

მოქმედ სახალხო დამცველს, ნინო ლომჯარიას უფლებამოსილება 2022 წლის დეკემბერში ეწურება.

ასევე წაიკითხეთ:

• 27/09/2022 – ომბუდსმენობის მსურველთა შეფასების ჯგუფის შემადგენლობა ცნობილია
• 27/09/2022 – არასამთავრობო ორგანიზაციებმა ომბუდსმენობის სამი კანდიდატი წარადგინეს

This post is also available in: English (ინგლისური) Русский (რუსული)