ძალადობა ჰომოფობიის წინააღმდეგ მიმართული აქციის მიმართ

ძალადობა 17 მაისს თბილისის ცენტრში მას შემდეგ დაიწყო, რაც პოლიციამ ვერ შეაჩერა მართლმადიდებელი აქტივისტების აგრესია, რომელთაც სასულიერო პირები ხელმძღვანელობდნენ – მათ გაარღვიეს პოლიციის კორდონი და იმ ადგილისკენ დაიძრნენ, სადაც ლგბტ აქტივისტები და მათი მხარდამჭერები ჰომოფობიის წინააღმდეგ საერთაშორისო დღის აღსანიშნავად აქციის გამართვას გეგმავდნენ. 28 ადამიანი დაშავდა, მათ შორის რამდენიმე პოლიციელი და ერთი ჟურნალისტი.