სახალხო კრების ბოლო საპროტესტო დღე

სახალხო კრების ორგანიზებით გამართული ხუთდღიანი საპროტესტო აქციები 26 მაისს შუაღამის შემდეგ ძალადობრივად დასრულდა. მას შემდეგ, რაც რუსთაველის გამზირზე შეკრებილმა მომიტინგეებმა უარი თქვეს მერიის შემოთავაზებაზე, რომ შეკრების ადგილი შეეცვალათ, რათა იქ 26 მაისს აღლუმი გამართულიყო, ხელისუფლებამ აქციის ადგილას სპეცრაზმი გაგზავნა, რომელმაც ტერიტორია ალყაში მოაქცია და მომიტინგეები ხელკეტების, რეზინის ტყვიების, წყლის ჭავლისა და ცრემლსადენი გაზის საშუალებით დაშალა.