ორი ქართული ბატალიონი ავღანეთისთვის ემზადება

32–ე ქვეითი ბატალიონის ქართველი სამხედრო აშშ-ის გაერთიანებული მრავალეროვანი მზადყოფნის ცენტრში  მოსამზადებელ წვრთნებს გადის, 1 აგვისტო. ქართველი სამხედროები მისიის მოსამზადებელ წვრთნებში ავღანეთში განთავსების წინ მონაწილეობდნენ. ფოტო: ევროპაში აშშ–ის არმია, ჯოშუა ლეონარდი.

საქართველოს თავდაცვის მინისტრმა დიმიტრი შაშკინმა გერმანიაში ამერიკის შეერთებული შტატების სამხედრო ბაზა „ჰოჰენფელსი“ მოინახულა, სადაც ავღანეთში განთავსების წინ ორი ქართული ბატალიონის სამხედროების მოსამზადებელი წვრთნები მიმდინარეობს.

აშშ-ის გაერთიანებულ მრავალეროვან მზადყოფნის ცენტრში (JMRC) ISAF-ის მისიისთვის III ქვეითი ბრიგადის 32-ე ბატალიონის და I ქვეითი ბრიგადის მე-12 ბატალიონის ქართველი სამხედროები მომზადებას გადიან.

ეს უკვე მეორე განთავსება იქნება ავღანეთში 32–ე ბატალიონისთვის და პირველი მე–12 ქვეითი ბატალიონისთვის მაშინ, როცა საქართველო წელს 1 600 სამხედრომდე გაზრდის თავის წვლილს ISAF-ის ოპერაციაში, რის შედეგადაც საქართველო ნატოს ის არაწევრი სახელმწიფო გახდება, რომელსაც ყველაზე მეტი სამხედრო ეყოლება ავღანეთში.

საქართველომ უკვე 17 ჯარისკაცი დაკარგა მას შემდეგ, რაც ქვეყანა 2009 წლის ნოემბერში ნატოს ISAF-ის მისიას შეუერთდა.

This post is also available in: English (ინგლისური) Русский (რუსული)