”მაესტროზე” აქციების გრაფიკზე ვიდეორგოლი გადის

სტუდია ”მაესტრომ” დაიწყო მოკლე ვიდეორგოლების გაშვება, რომელშიც აცნობებს მოსახლეობას დაგეგმილი საპროტესტო აქციების სქემის შესახებ. აქცია, რომლის მთავარი მოთხოვნაც პრეზიდენტ სააკაშვილის გადადგომაა, 9 აპრილს იწყება.

ვიდეორგოლის თანახმად, ოპოზიცია და მისი მხარდამჭერები შეკრებას თბილისის სამ სხვადასხვა ადგილას დაიწყებენ – ავლაბარში, თბილისის სახელმწიფო უნივერსიტეტთან და საზოგადოებრივი მაუწყებლის წინ. შემდეგ ისინი ამ სამი ადგილიდან დაიძრებიან და ერთმანეთს დღის 2 საათზე პარლამენტის შენობასთან შეუერთდებიან.

ვიდეორგოლის მიხედვით, პარლამენტის წინ იმუშავებს პრესცენტრი ჟურნალისტებისთვის და ოპოზიციის ლიდერები თავიანთ გეგმებს მომიტინგეებს ყოველდღე 15:00 საათზე გააცნობენ. ვიდეორგოლის თანახმად, ოპოზიციამ ასევე აცნობა თბილისის მერიას, რომ აქციები შესაძლოა ასევე გაიმართოს სამი ტელეკომპანიის – საზოგადოებრივი მაუწყებლის, ”რუსთავი 2”-ის და ”იმედის” წინ, ასევე პრეზიდენტის რეზიდენციების წინ თბილისში და შავნაბადისკენ მიმავალ გზაზე.

ვიდეორგოლის თანახმად, აქციები პრეზიდენტის გადადგომამდე გაგრძელდება, რაც მხოლოდ სიმტკიცის და გამძლეობის გზით იქნება მიღწეული.

This post is also available in: English (ინგლისური) Русский (რუსული)