ეკონომიკის სამინისტრო მსხვილი ობიექტების პრივატიზებას გეგმავს

ეკონომიკური განვითარების სამინისტრო ფოთის პორტის სახელმწიფო წილის 24%-ის, საქართველოს სახელმწიფო ელექტროსისტემის 60% წილის, ასევე საქართველოს ფოსტისა და ქუთაისის მიმდებარე კოპიტნარის აეროპორტის პრივატიზების საკითხებს განიხილავს.

ამის შესახებ Civil.Ge-ს ეკონომიკის სამინისტროში აცნობეს. თუმცა სამინისტრომ არ დააკონკრეტა, როდის ან რა პირობებით იგეგმება აღნიშნული ობიექტების პრივატიზება.

ფოთის პორტის აქციათა 51%-ს 49 წლის ვადით არაბული რას ალ ხაიმას საამიროს საინვესტიციო ფონდი აკონტროლებს, რომელიც 1.5 მილიარდი აშშ დოლარის ოდენობის ინვესტიციის განხორციელებას გეგმავს ფოთში თავისუფალი ინდუსტრიული ზონის განვითარების მიზნით.

This post is also available in: English (ინგლისური) Русский (რუსული)