ბაღაფში ადმინისტრაციული საზღვრის გაძლიერებას გეგმავს

სეპარატისტული აფხაზეთის ლიდერმა სერგეი ბაღაფშმა განაცხადა, რომ სოხუმის ”ნომერ პირველი” ამოცანაა გააძლიეროს ადმინისტრაციული საზღვარი მდინარე ენგურთან.

”ეს იქნება ნამდვილი სახელმწიფო საზღვარი,”- იუწყება ”აფსნიპრესი” 23 სექტემბერს ბაღაფშის სიტყვებზე დაყრდნობით.

სოხუმში პრესკონფერენციაზე საუბრისას მან განაცხადა, რომ საქართველოსთან ადმინისტრაციული საზღვრის გაძლიერება ხელს შეუშლის ”დივერსიულ-ტერირისტული ჯგუფების”, კონტრაბანდის და ”ადამიანთა უწესრიგო” გადაადგილებას.

ამასთან, ბაღაფშმა განაცხადა, რომ რუსეთთან საზღვარი გაცილებით გამჭირვალე იქნება, რაზეც სპეციალური შეთანხმებების გაფორმება იგეგმება მოსკოვთან.

This post is also available in: English Русский