ეუთოს თავმჯდომარე საქართველოს სიმშვიდისა და დიალოგისკენ მოუწოდებს

ეუთოს მოქმედმა თავმჯდომარემ, ესპანეთის საგარეო საქმეთა მინისტრმა მიგელ ანხელ მორატინოსმა შეშფოთება გამოხატა საქართველოში მიმდინარე მოვლენებთან დაკავშირებით. 7 ნოემბერს საქართველოში საგანგებო ვითარება იქნა შემოღებული.

”ვიმედოვნებ, რომ საქართველოს ხელისუფლება და ოპოზიცია ყველაფერს გააკეთებენ იმისათვის, რომ სიტუაციის გაუარესება აიცილონ თავიდან,” – განაცხადა მორატინოსმა, ”მოვუწოდებ ყველას შეინარჩუნონ სიმშვიდე, თავიდან აიცილონ ექსცესები და კონსტრუქციული დიალოგი გამართონ”.

მან ასევე ხაზი გაუსვა, რომ ამგვარი სიტუაცია მხოლოდ დემოკრატიული პრინციპების საფუძველზე გამართული დიალოგის საშუალებით შეიძლება მოგვარდეს.   

This post is also available in: English (ინგლისური) Русский (რუსული)