ახალი ამბები
ნათელაშვილი: 2 ნოემბრის აქცია იქნება პრინციპული შედეგების მომტანი
ლეიბორისტული პარტიის ლიდერის შალვა ნათელაშვილის განცხადებით, ოპოზიციის საპროტესტო აქციები გაგრძელდება იქამდე, ვიდრე პრეზიდენტი სააკაშვილი ვადამდელ არჩევნებს არ დანიშნავს.
”მიტინგი 2 ნოემბერს იქნება უაღრესად მშვიდობიანი, არაძალადობრივი, მაგრამ პრინციპული შედეგების მომტანი და ხალხი არ დაიშლება მანამ, სანამ პრეზიდენტი არ გამოაცხადებს ახალი არჩევნების თარიღს ”- განაცხადა დღეს გამართულ პრესკონფერენციაზე ნათელაშვილმა.
ლეიბორისტული პარტია იმ ათ ოპოზიციურ პარტიას შორის არის, რომელიც 2 ნოემბრის აქციას უწევს ორგანიზებას და აქამდე რეგიონებში საპროტესტო კამპანიას ახორციელებდა. ოპოზიციის მთავარი მოთხოვნაა, შემოდგომის ნაცვლად საპარლამენტო არჩევნების გაზაფხულზე ჩატარება.
This post is also available in: English (ინგლისური) Русский (რუსული)
