არასრულწლოვანთა კოლონიაში 12 მსჯავრდებული დაშავდა
ავჭალის არასრულწლოვანთა კოლონიაში 13 აგვისტოს გვიან ღამით მომხდარი არეულობის შედეგად სულ ცოტა 12 პატიმარი დაშავდა, რომლებიც გვიან ღამით ღუდუშაურის სახელობის საავადმყოფოში გადაიყვანეს, მოგვიანებით კი კვლავ კოლონიაში დააბრუნეს.
სასჯელარსრულების დეპარტამენტის პრეს-სამსახურის ხელმძღვანელის სალომე მახარაძის ინფორმაციით, დაპირისპირება მოხდა მსჯავრდებულებს შორის. მსჯავრდებულებმა სცემეს ბადრაგს, ჩაამსხვირეს შენობის მინები, რის შემდეგაც მობილიზებული იყო სამართალდამცავები და სპეც-დანიშნულების რაზმი, თუმცა სპეც-დანიშნულების რაზმი კოლონიაში არ შესულა, რადგან სიტუაცია მალევე განიმუხტა.
მახარაძემ ხაზი გაუსვა რომ ინციდენტი პატიმრებს შორის მოხდა და მათ ციხის ადმინისტრაციის მიმართ არანაირი მოთხოვნა არ წამოუყენებიათ.
This post is also available in: English Русский