ბურჯანაძე: რუსეთის პოზიტიურმა როლმა შესაძლოა სამხრეთ ოსეთის კონფლიქტი თვეებში მოაგვაროს

სამხრეთ ოსეთის კონფლიქტი ”შესაძლებელია მოგვარდეს თვეებში”, თუ რუსეთი პოზიტიურ ან ნეიტრალურ როლს მაინც ითამაშებს, განაცხადა საქართველოს პარლამენტის თავმჯდომარემ ნინო ბურჯანაძემ.

”და კონფლიქტი შეიძლება გადაწყდეს ისე, რომ ყველა მხარე კმაყოფილი დარჩეს”, – განაცხადა ნინო ბურჯანაძემ ”ვრემია ნოვოსტეისთვის” მიცემულ ინტერვიუში, რომელიც 31 ივლისს გამოქვეყნდა.

პარლამენტის თავმჯდომარის განცხადებით, მისი ოპტიმიზმი ემყარება საქართველოს ხელისუფლების ”ძალიან აქტიურ მცდელობებს” მიმართულს კონფლიქტის პოლიტიკური მოგვარებისაკენ.

ამასთან, ბურჯანაძე გაცილებით უფრო ფრთხილად ეკიდება აფხაზეთის საკითხს. მისი თქმით, მიუხედავად იმისა, რომ სიტუაცია იმედის მომცემია, ”გაცილებით მეტ დროს წაიღებს” იქ პრობლემის გადაწყვეტა.

მან კიდევ ერთხელ გააფრთხილა რუსეთი თავი შეიკავოს აფხაზეთის ცალმხრივად ჩართვისაგან 2014 წლის სოჭის ზამთრის ოლიმპიური თამაშების მზადებაში.

This post is also available in: English (ინგლისური) Русский (რუსული)