სააკაშვილი BSEC-ის სამიტზე სამხრეთ ოსეთზე საუბრობს
”ვფიქრობ, ახლოს ვართ ქართულ-ოსური კონფლიქტის მოგვარებასთან,” – განაცხადა პრეზიდენტმა სააკაშვილმა 25 ივნისს სტამბოლში BSEC-ის ქვეყნების ლიდერთა სამიტზე გამოსვლისას.
”სამხრეთ ოსეთში დროებითი ადმინისტრაცია ჩამოვაყალიბეთ და სამხრეთ ოსეთის მოსახლეობას სწორედ ეს ადმინისტრაცია პირდება მშვიდობას,” – განაცხადა მან.
მან ასევე აღნიშნა, რომ საზღვრების მთლიანობის დარღვევა შავი ზღვის რეგიონის სტაბილურობისთვის დამანგრეველი იქნება.
”რიტორიკული განცხადებები რეგიონში ახალი საზღვრების თაობაზე, დაუშვებელია და არაჰუმანური,” – განაცხადა საქართველოს პრეზიდენტმა.
19 ივნისს ბაქოში სუამის ლიდერთა სამიტზე საუბრისას პრეზიდენტმა სააკაშვილმა განაცხადა, რომ სამხრეთ ოსეთის ლიდერის ედუარდ კოკოითის ”დრო იწურება” და დასძინა, რომ ”წამზომი ჩაირთო”.
This post is also available in: English (ინგლისური) Русский (რუსული)
