თავდაცვის მინისტრის ახალი მოადგილე დაინიშნა

ბათუ ქუთელია, საგარეო საქმეთა მინისტრის ყოფილი მოადგილე, 18 დეკემბერს თავდაცვის მინისტრის მოადგილედ დაინიშნა.

თავდაცვის სამინისტროს ცნობით, ქუთელია კოორდინაციას გაუწევს საერთაშორისო ურთიერთობებისა და ევრო-ატლანტიკური ინტეგრაციის დეპარტამენტის საქმიანობას.

ბათუ ქუთელია საგარეო საქმეთა მინისტრის მოადგილედ სექტემბერში დაინიშნა, მანამდე იგი დაზვერვის სამსახურს ხელმძღვანელობდა. 

This post is also available in: English Русский