რუსეთი სამხრეთ ოსეთში გაზსადენის მშენებლობას იწყებს

27 ოქტომბერს დაიწყო გაზსადენის მშენებლობა, რომელიც ჩრდილოეთ ოსეთს თვითგამოცხადებულ სამხრეთ ოსეთს დაუკავშირებს, იტყობინებიან “რია ნოვოსტი“ და “იტარ-ტასსი“.

ძუარიკაუ-ცხინვალის გაზსადენის მშენებლობის დაწყების ცერემონიას სამხრეთ ოსეთის ლიდერი ედუარდ კოკოითი და ჩრდილოეთ ოსეთის პრეზიდენტი თეიმურაზ მამსუროვიც დაესწრნენ.

163-კილომეტრიანი გაზსადენის ზოგიერთი მონაკვეთი ზღვის დონიდან 3 000 მეტრ სიმაღლეზე გაივლის.

ამჟამად, ცხინვალის რეგიონი გაზით საქართველოს ხელისუფლების მიერ კონტროლირებადი ტერიტორიიდან მარაგდება.  

This post is also available in: English (ინგლისური) Русский (რუსული)