ანთაძე: შსკ-ს მოსკოვის სხდომა გადამწყვეტია

საქართველოს სახელმწიფო მინისტრმა კონფლიქტების მოგვარების საკითხებში მერაბ ანთაძემ განაცხადა, რომ შერეული საკონტროლო კომისიის მიმდინარე სხდომა გადამწყვეტი იქნება, რომელმაც უნდა „განსაზღვროს [კონფლიქტის] მოგვარების მომავალი“, იტყობინება „ინტერფაქსი“ 17 აგვისტოს.

შსკ-ს სხდომა ქართული, რუსული, სამხრეთ ოსური და ჩრდილოეთ ოსური მხარეების მონაწილეობით 17-18 აგვისტოს მოსკოვში იმართება.

„ამ სხდომის შემდეგ ჩვენ შევძლებთ ვისაუბროთ მშვიდობიანი მოგვარების პერსპექტივებსა და მომავალზე“, – განაცხადა მერაბ ანთაძემ. 

This post is also available in: English (ინგლისური) Русский (რუსული)