ლომაია ადასტურებს, რომ კოდორში “პოლიციის ოპერაცია“ მიმდინარეობს

განათლების მინისტრმა კახა ლომაიამ განაცხადა, რომ კოდორის ხეობაში ემზარ კვიციანის და მისი გასამხედროებული ჯგუფის “მონადირის“ წინააღმდეგ პოლიციის ოპერაცია მიმდინარეობს.

“კოდორის ხეობაში მიმდინარეობს დაგეგმილი პოლიციის ოპერაცია, რომლის მიზანიც კონსტიტუციური წესრიგის აღდგენაა“, – განუცხადა ლომაიამ ტელეკომპანია “რუსთავი 2“-ს.

“მე არ ვარ იმ თანამდებობაზე, რომ ამ ოპერაციის დეტალებზე ვისაუბრო. ჩვენი მიზანი არ არის ვინმეს განადგურება, მაგრამ ვინც არ დაგვემორჩილება, ლიკვიდირებული იქნება“, – დასძინა მან.

მისი თქმით, გასამხედროებულ ჯგუფს ახლა ორი ვარიანტი აქვს: “მათ ან უნდა ჩააბარონ იარაღი ან ისინი ლიკვიდირებული იქნებიან“. 

This post is also available in: English (ინგლისური) Русский (რუსული)