პრეზიდენტი სააკაშვილი უკრაინას ეწვევა

საქართველოს პრეზიდენტი მიხეილ სააკაშვილი დღეს მეუღლესთან ერთად სამდღიანი ოფიციალური ვიზიტით უკრაინაში მიემგზავრება, სადაც შეხვდება უკრაინელ კოლეგას ვიქტორ იუშჩენკოს, პრემიერ-მინისტრ იულია ტიმოშენკოს და მთავრობის სხვა წევრებს.

ვიზიტის ფარგლებში დაგეგმილია საქართველო-უკრაინის ეკონომიკური თანამშრომლობის სფეროში დოკუმენტების ხელმოწერა.

25 მარტს პრეზიდენტი სააკაშვილი ასევე დაესწრება ცერემონიალს, სადაც 2005 წელი საქართველოს წლად გამოცხადდება.

ეს მიხეილ სააკაშვილის უკვე მეორე ვიზიტია წელს უკრაინაში.

This post is also available in: English (ინგლისური) Русский (რუსული)