გამოძიების ფედერალური ბიურო ჟვანიას გარდაცვალების, გორის ტერაქტის გამოძიებაში ჩაერთვება

საქართველოში აშშ-ის ელჩმა რიჩარდ მაილსმა განაცხადა, რომ აშშ-ის გამოძიების ფედერალური ბიუროს ჯგუფი საქართველოში ჩამოვა, რათა ქართველ სამართალდამცავებს პრემიერ-მინისტრის ზურაბ ჟვანიას გარდაცვალების გარემოებებისა და გორში მომხდარი აფეთქების გამოიძიებაში დახმარება აღმოუჩინონ.

გასულ კვირას მომხდარმა ორმა მოვლენამ – პრემიერ-მინისტრის გარდაცვალებამ და გორში მომხდარმა აფეთქებამ, რომლის დროსაც სამი პოლიციელი გარდაიცვალა და კიდევ 27 ადამიანი დაშავდა – გარკვეული ეჭვები წარმოშვა იმის თაობაზე, რომ ეს ორი შემთხვევა შესაძლოა ერთმანეთთან კავშირში იყოს.

ოფიციალური პირები გამორიცხავენ პრემიერ-მინისტრის მკვლელობის ფაქტს, თუმცა გორის აფეთქებას “მშვიდობის მოწინააღმდეგე ძალების“ მიერ ორგანიზებული ტერორისტული აქტის შეფასებას აძლევენ.

რიჩარდ მაილსმა 7 თებერვალს სააგენტო Associated Press -ს განუცხადა, რომ “ჩვენ ვერ ვუკავშირებთ ამ ორ შემთხვევას ერთმანეთს”.

მაილსმა ასევე განაცხადა, რომ მისთვის არაა ცნობილი რაიმე სამხილის თაობაზე, რაც იმაზე მიანიშნებდა, რომ ჟვანიას გარდაცვალება უბედური შემთხვევა არ იყო.

This post is also available in: English (ინგლისური) Русский (რუსული)