საბაჟო დეპარტამენტის უფროსი თანამდებობიდან გაათავისუფლეს

საქართველოს პრემიერ-მინისტრმა ზურაბ ჟვანიამ 2 თებერვალს გამართულ მთავრობის სხდომაზე განაცხადა, რომ საბაჟო დეპარტამენტის უფროსი გიორგი გოდაბრელიძე თანამდებობიდან გათავისუფლებულია. მისი თქმით, გოდაბრელიძეს ფინანსთა მინისტრის მოადგილე ზურაბ ანთელიძე შეცვლის.

პრემიერ-მინისტრის განცხადებით, საბაჟო დეპარტამენტში შემოსავლების გაზრდის თვალსაზრისით “მეტი შესაძლებლობები” არსებობს.