ნოდარ ხაშბა აფხაზეთის ახალი პრემიერ-მინისტრი გახდა
აფხაზეთის თვითგამოცხადებული რესპუბლიკის პრეზიდენტმა ვლადისლავ არძინბამ 6 ოქტომბერს ნოდარ ხაშბა პრემიერ-მინისტრის თანამდებობაზე დანიშნა. მანამდე ხაშბა რუსეთის საგანგებო სიტუაციების საინვესტიციო დეპარტმანეტის თავმჯდომარის მოადგილე იყო.
ყოფილი პრემიერ-მინისტრი რაულ ხაჯიმბა თანამდებობიდან გასულ თვეს გადადგა საპრეზიდენტო არჩევნებში მონაწილეობისა და მისთვის მომზადების მიზნით.
ახალი პრემიერ-მინისტრის დანიშვნას წინ უძღოდა კრიზისი, რომელიც რეგიონში 3 ოქტომბრის საპრეზიდენტო არჩევნების შემდეგ დაიწყო.
“სიტუაცია საკმაოდ რთულია. მე შემომთავაზეს პრემიერ-მინისტრის პოსტი დამეკავებინა, რადგანაც მე ერთნაირი პოზიცია მიკავია პრეზიდენტობის ყველა კანდიდატის მიმართ“, განაცხადა ნოდარ ხაშბამ 6 ოქტომბერს აფხაზეთის ტელევიზიით გამოსვლისას.
This post is also available in: English (ინგლისური) Русский (რუსული)
