ახალი ამბები
დეპუტატები მთავრობას აჭარაში შეიარაღებული დაჯგუფებების განიარაღებას სთხოვენ
საქართველოს პარლამენტმა 23 აპრილს მიიღო დადგენილება აჭარაში არსებული სიტუაციის თაობაზე, რომელიც გმობს აჭარის ხელმძღვანელობის ქმედებებს და მას ქვეყნის ტერიტორიული მთლიანობის ხელყოფის მცდელობად აფასებს.
დეპუტატებმა მოსთხოვეს პრეზიდენტს, მთავრობას და სამართალდამცავ სტრუქტურებს განაიარაღონ უკანონო შეიარაღებული დაჯგუფებები აჭარაში.
დეპუტატები ასევე მოითხოვენ მთავრობისგან შესაბამისი რეაგირება მოახდინოს ადამიანთა უფლებების დარღევევის თითოეულ ფაქტზე აჭარაში. საგარეო საქმეთა სამინისტროს დაევალა აცნობოს საერთაშორისო საზოგადოებას აჭარაში არსებული სიტუაციის თაობაზე.