ახალი ამბები
ხულოსა და ქობულეთში ხელახალი არჩევნების ჩატარებისთვის მზადება მიმდინარეობს
ცენტრალური საარჩევნო კომისიის (ცსკო) სპეციალური წარმომადგენლები ქობულეთისა და ხულოს რაიონებში გაემგზავრენ, რათა 18 აპრილს ხელახალი საპარლამენტო არჩევნების ნორმალურად ჩატარება უზრუნველყონ. ამის შესახებ ცსკ-ს თავმჯდომარემ ზურაბ ჭიაბერაშვილმა დღეს გამართულ სხდომაზე განაცხადა.
ზურაბ ჭიაბერაშვილი თავადაც აპირებს ამ რაიონებში გამგზავრებას, თუმცა კონკრეტული თარიღი ჯერ განსაზღვრული არ არის.
ცსკ-მ აჭარის ხულოსა და ქობულეთის რაიონებში არჩევნების შედეგები ბათილად 4 აპრილს გამართულ სხდომაზე სცნო და ასევე გააუქმა საარჩევნო კომისეიბიც. ცსკ-ს გადაწყვეტილებით, ხელახალი არჩევნების ჩატარებას ცსკ-ს მიერ დაკომპლექტებული ჯგუფი უზრუნველყოფს.
ხულოსა და ქობულეთში არჩევნების შედეგების ბათილად ცნობა არჩევნების დღეს დაფიქსირებული დარღვევების საფუძველზე მოხდა.
