ახალი ამბები
შევარდნაძის მოკავშირე და თელავის გამგებელი თანამდებობიდან გადადგა
(თბილისი, 14 ნოემბერი, 2003, სივილ ჯორჯია) – თელავის გამგებელი მედეა მეზვრიშვილი დღეს თანამდებობიდან გადადგა. მისი ეს გადაწყვეტილება შედეგი იყო იმ საპროტესტო აქციისა, რომელიც თელავში მიმდინარეობდა მისი გადადგომის მოთხოვნით.
აქციის მონაწილენი მეზვრიშვილს 2 ნოემბრის საპარლამენტო არჩევნების გაყალბებაში ადანაშაულებდნენ.
მედეა მეზვრიშვილი პრეზიდენტ შევარდნაძის უახლოესი მოკავშირე და მისი დასაყრდენია კახეთის რეგიონში.