“იტერა” დავალიანების გამო საქართველოს გაზის მოწოდებას შეუწყვეტს

(თბილისი, 28 აგვისტო , 2003, სივილ ჯორჯია) – საერთაშორისო ენერგეტიკული კომპანია “იტერას” წარმომადგენლობა საქართველოში იტყობინება, რომ დავალიანების გამო 29 აგვისტოს კომპანია საქართველოს გაზის მიწოდებას შეუწყვეტს.

“იტერამ რამდენჯერმე გააფრთხილა “თბილგაზი” [საქართველოს გაზის გამანაწილებელი კომპანია], რომ გადაეხადა მოხმარებული გაზის საფასური, მაგრამ ქართული მხარე ამას ვერ ახერხებს”, – ნათქვამია “იტერას” მიერ თბილისის მუნიციპალიტეტისადმი გაგზავნილ წერილში.

ამჟამად რუსული კომპანია გაზის ერთადერთი მომწოდებელია საქართველოში. მიმდინარე წლის განმავლობაში კომპანიამ ქვეყანას უკვე სამჯერ შეუწყვიტა გაზის მიწოდება.

This post is also available in: English (ინგლისური) Русский (რუსული)