პრეზიდენტმა შევარდნაძემ პრეზიდენტ ბუშს თანაგრნობის წერილი გაუგზავნა

(თბილისი, 11 სექტემბერი, 2002, სივილ ჯორჯია) – საქართველოს პრეზიდენტმა ედუარდ შევარდნაძემ დღეს გამართულ მთავრობის სხდომაზე განაცხადა, რომ მის ამერიკელ კოლეგას ჯორჯ ბუშს თანაგრძნობის წერილი გაუგზავნა გასულ წელს ნიუ-იორკსა და ვაშინგტონში მომხდარ ტერორისტულ აქტებთან დაკავშირებით.

“წერილში დიდი მწუხარება გამოვთქვი ამ ტრაგედიასთნ დაკავშიებით. საქართველო მხარს უჭერს აშშ-ის ანტიტერორისტულ კამპანიას. ტერორიზმი მთელს მსოფლიოში უნდა აღმოიფხვრას”, განაცხადა პრეზიდენტმა შევარდნაძემ.

დღეს საქართველოს პარლამენტმა გასული წლის 11 სექტემბერთან დაკავშირებით სპეციალური განცხადება მიიღო, რომელშიც დაგმობილია საერთაშორისო ტერორიზმი და მისი მხარდამჭერი ქვეყნები. 

This post is also available in: English (ინგლისური) Русский (რუსული)