Placeholder canvas
ახალი ამბები

ქართველ პარტიზანებსა და რუს სამშვიდობოებს შორის შეტაკება არ მომოხდარა

დღეს რამდენიმე რუსულმა საინფორმაციო სააგენტომ (ინტერფაქსი, გაზეტა.რუ) გაავრცელა ცნობა ქართულ-ჩეჩნურ დაჯგუფებასა და აფხაზეთში განლაგებულ რუს სამშვიდობო ჯარებს შორის მომხდარი შეტაკების შესახებ. ინტერფაქსის ცნობით, გუშინ დაახ. 22.00 საათზე სამი ავტომანქანით მომავალმა ბოევიკებმა ცეცხლი გაუხსნეს სამშვიდობო ძალების 302-ე პოსტს, რის შედეგადაც საპასუხო ცეცხლი იქნა გახსნილი რუსული მხარის მხრიდანაც. სააგენტოს ინფორმაციით, რუს მშვიდობის დამცველებს შორის მსხვერპლი არაა.

საქართველოს თავდაცვის სამინისტრო სივილ ჯორჯიასთან საუბრისას კომრნტარს არ უკეთებს ცნობას პარტიზანებსა და ცისფერჩაფხუტიანებს შორის შეტაკების შესახებ. თუმცა სამინისტრო აცხადებს, რომ გუშინ კოდორის ხეობაში მიმავალი ქუთაისის ბრიგადის ერთ-ერთი ქვედანაყოფი მართლაც გააჩერეს “ცისფერჩაფხუტიანების” 302-ე პოსტთან, რის შემდეგაც პროვოკაციის თავიდან აცილების მიზნით ქართული ქვედანაყოფი უკან გამობრუნდა. თავდაცვის სამინისტროს მიიჩნევს, რომ სწორედ ამ ფაქტის მიხედვით გაავრცელა დეზინფორმაცია რუსულმა სააგენტო ინტერფაქსმა.

This post is also available in: English (ინგლისური)

მსგავსი/Related

Back to top button