ახალი ამბები
პანკისის ხეობაში სპეცოპერაცია მიმდინარეობს
საქართველოს უსაფრთხოების ძალები პანკისის ხეობაში სპეცოპერაციას ახორციელებენ, იტყობინება პანკისის სათემო რადიო WAY 26 დეკემბერს.
ამავე ინფორმაციით, სპეცოპერაცია პანკისის ხეობის სოფლებში ომალოსა და დუისში დაახლოებით 04:00 საათიდან დაიწყო და ხეობაში 60-ზე მეტი სპეცრაზმელის მობილიზება განხორციელდა.
მედია საშუალების ინფორმაციით, სამართალდამცავებმა სამი პირი დააკავეს, რომლებიც ეჭვმიტანილები არიან 21-22 ნოემბრის თბილისის სპეცოპერაციასთან სავარაუდო კავშირში.
ოფიციალური წყაროებიდან ინფორმაცია ჯერჯერობით არ ვრცელდება.
