ვაშაძე თურქმენეთის პრეზიდენტს შეხვდა

საქართველოს საგარეო საქმეთა მინისტრი გრიგოლ ვაშაძე 19 იანვარს აშხაბადში თურქმენეთის პრეზიდენტს გურბანგული ბერდიმუჰამედოვს შეხვდა.

თურქმენეთის პრეზიდენტმა ორ ქვეყანას შორის ურთიერთობების „პროგერსული ხასიათი“ აღნიშნა, რომელმაც „ბოლო წლებში ახალი დინამიკა შეიძინა“ და განუცხადა საქართველოს საგარეო საქმეთა მინისტრს, რომ „ორმხრივი ურთიერთობების ახალ ეტაპზე გადასვლის დრო დადგა“, იტყობინება თურქმენეთის სახელმწიფო საინფორმაციო სააგენტო (TDH).

ამავე ინფორმაციის თანახმად, „საქმიანი და კონსტრუქციული“ შეხვედრის დროს განხილულ პრიორიტეტულ სფეროებს შორის ენერგო სექტორში და ეკონომიკაში თანამშრომლობა იყო.