კარასინი მოსკოვში აფხაზეთის ხელმძღვანელობას შეხვდა

25 ივნისს რუსეთის საგარეო საქმეთა მინისტრის მოადგილე გრიგორი კარასინი მოსკოვში ვიზიტად მყოფ აფხაზეთის ლიდერს სერგეი ბაღაფშს და დე ფაქტო საგარეო საქმეთა მინისტრს სერგეი შამბას შეხვდა.

რუსეთის საგარეო უწყების ცნობით, შეხვედრაზე აღინიშნა რეგიონში არსებული დაძაბულობის განმუხტვის საჭიროება. მხარეებმა ასევე იმსჯელეს ქართულ-აფხაზური პოლიტიკური დიალოგის შესაძლო აღდგენაზე ადრე მიღწეული შეთანხმებების და საერთაშორისო ორგანიზაციების რეკომენდაციების საფუძველზე.