ახალი ამბები
კოტე გაბაშვილი იტალიაში ელჩად ინიშნება
პარლამენტის საგარეო ურთიერთობათა კომიტეტის თავმჯდომარე კოტე გაბაშვილი, რომელიც მომავალ პარლამენტში კენჭს აღარ იყრის, იტალიაში საქართველოს საგანგებო და სრულუფლებიან ელჩად ინიშნება.
”ალბათ ასე იქნება, ყოველ შემთხვევაში, ახლა ასეა დაგეგმილი,”- განუცხადა ”რუსთავი 2”-ს გაბაშვილმა 1 მაისს.
იგი ამ თანამდებობაზე ზაზა გოქსაძეს შეცვლის, რომელსაც გაბაშვილის თქმით, როტაციის დრო მოუვიდა.
პარლამენტის წევრობამდე კოტე გაბაშვილი საქართველოს ელჩი იყო გერმანიაში, მანამდე კი თბილისის მერად მუშაობდა.