ლეიბორისტები საყოველთაო გაფიცვებისკენ მოუწოდებენ

ოპოზიციური ლეიბორისტული პარტიის ლიდერმა შალვა ნათელაშვილმა 17 აპრილს საყოველთაო ეროვნული გაფიცვისაკენ მოუწოდა მოთხოვნით გადადგეს პრეზიდენტი და დაიშალოს პარლამენტი.

”რადგანაც ისინი არიან იმ სტადიაში, როდესაც არაფრის შეცვლა არ შეუძლიათ, გარდა უარესობისა,” – განაცხადა დღეს საგანგებო ბრიფინგზე შალვა ნათელაშვილმა.

მან ყველა დასაქმებულ მოქალაქეს სოციალური უკმაყოფილების მოტივით მოუწოდა სამშაბათს დილის 9 საათიდან 12 საათამდე შეუერთდეს გაფიცვას.

”ეს იქნება ჩვენი ერის კონსოლიდაციისათვის გენერალური რეპეტიცია იმ დიდი ბრძოლების წინ, რომელიც გველოდება და რომელიც აუცილებლად დამთავრდება ხალხის გამარჯვებით,”- განაცხადა ლეიბორისტების ლიდერმა. 

This post is also available in: English (ინგლისური) Русский (რუსული)