ამერიკულმა და რუსულმა მხარეებმა საქართველოზე იმსჯელეს

ვაშინგტონში 10–11 ოქტომბერს გამართულ კონსულტაციებზე, სადაც რუსულ მხარეს საგარეო საქმეთა მინისტრის მოადგილე ალექსანდრე გრუშკო და ამერიკულ მხარეს სახელმწიფო მდივნის მოადგილე დანიელ ფრიდი წარმოადგენდა, სხვა საკითხებთან ერთად საქართველოზეც იმსჯელეს.

“რუსულმა მხარემ ხაზი გაუსვა საერთაშორისო საზოგადოების ზეგავლენის ზრდის საჭიროებას საქართველოს დღევანდელ ხელისუფლებაზე, რათა ფუნდამენტური კორექტირება მოახდინოს აფხაზეთთან და სამხრეთ ოსეთთან მიმართებაში გატარებული ხაზის და უარი თქვას დაძაბულობის გაღვივების საშიშ კურსზე“, – აცხადებს რუსეთის საგარეო საქმეთა სამინისტრო 12 ოქტომბერს.

This post is also available in: English (ინგლისური) Русский (რუსული)