თბილისში ქართულ–რუსული ბიზნესფორუმი გაიხსნა

დღეს თბილისში ქართულ–რუსული ბიზნესფორუმი გაიხსნა, რომელსაც პრემიერ მინისტრი ზურაბ ნოღაიდელი, თბილისში ვიზიტად მყოფი რუსეთის ტრანსპორტის მინისტრი იგორ ლევიტინი და ქართული და რუსული ბიზნესწრეების წარმომადგენლები ესწრებიან.

ფორუმზე რუსული ინვესტიციების საქართველოში დაბანდების პერსპექტივები განიხლება.

ჯერ–ჯერობით უცნობია, თუ კონკრეტულად რომელ საწარმოებში დააბანდებენ რუსი ბიზნესმენები ინვესტიციებს, თუმცა ცნობილია, რომ მომავალ წელს საქართველოს ხელისუფლება ენერგოობიექტების პრივატიზებას გეგმავს.

ბოლოს ქართულ–რუსული ფართომასშტაბიანი ბიზნესფორუმი 2004 წლის მაისში გაიმართა.

This post is also available in: English (ინგლისური) Русский (რუსული)