ახალი ამბები
ცსკო-მ ამომრჩეველთა სიების კომპიუტერიზაცია დაიწყო
ცენტრალურმა საარჩევნო კომისიამ (ცსკო) იმ 2,2 მილიონი ამომრჩევლის სიების კომპიუტერიზაცია დაიწყო, რომელთაც რეგისტრაცია დეკემბერ-იანვარში გაიარეს.
ცსკო-ს ვარაუდით, სიების კომპიუტერიზაცია თებერვლის ბოლოს დასრულდება.
კომისიის წარმომადგენელთა განცხადებით, ამომრჩეველთა რეგისტრაცია კვლავ გაგრძელდება და შესაძლოა მათი რიცხვი გაიზარდოს; თუმცა ის ამომრჩევლები, რომლებიც რეგისტრაციას დღეიდან გაივლიან, ელექტრონულ სიებში ვერ მოხვდებიან.
„ამგვარად, 28 მარტს ჩვენ შერეული სიები გვექნება, ნაწილი ელექტრონული და ნაწილი ხელნაწერი“, – განუცხადა ცსკო-ს თავჯდომარემ ზურაბ ჭიაბერაშვილმა „სივილ ჯორჯიას“.